भिडियो हेर्न तलको बक्समा क्लिक गर्नुहोस
 |
काठमाडौं: कांग्रेसका सभापति सुशील कोइरालाको निधन भएको छ । काठमामाडौंको महाराजगञ्जस्थित भतिजा सशांक कोइरालाको घरमा सोमबार राति १२ बजेर ३० मिनेटमा उनको निधन भएको पारिवारिक श्रोतले जनाएको छ।
प्रमुख प्रतिपक्षी दल कांग्रेसका संसदीय दलका नेता उनी लामो समयदेखि जिब्रोको क्यान्सरबाट पीडित थिए । गत वर्षमात्रै कोइरालाको अमेरिकाको न्यूयोर्कमा क्यान्सरको लामो उपचार भएको थियो ।
फागुन २० देखि २३ गतेदेखि हुन लागेको १३ औं महाधिवेशनका लागि कांग्रेस देशभर व्यस्त भएका बेला कोइरालाको निमोनियबाट निधन भएको हो ।
कोइरालको स्वास्थ्यमा सोमबार दिउँसोबाटै समस्या देखिएको थियो । उनलाई दिउँसोबाटै श्वास फेर्न कठिन भएको पारिवारिक श्रोतले जानकारी दिएको थियो ।
को हुन् सुशील
कोइराला नेपालका ३७ औं प्रधानमन्त्री भएका थिए । कोइराला नेपालको व्यवस्थापिका संसदबाट २०७० माघ २७ गते प्रधानमन्त्रीमा निर्वाचित भएका थिए ।
कोइराला नेपालका ३७ औं प्रधानमन्त्री भएका थिए । कोइराला नेपालको व्यवस्थापिका संसदबाट २०७० माघ २७ गते प्रधानमन्त्रीमा निर्वाचित भएका थिए ।
उनैको नेतृत्वको सरकारका असोज ३ गते नेपालको नयाँ संविधान जारी गरेको थियो । संविधान जारी भएपछि उनी सरकारबाट बाहिरिएका थिए ।
उनको जन्म सन् १९३९ मा पिता बोधप्रसाद र माता कुमुदिनीका ज्येष्ठ सुपुत्रका रूपमा विराटनगरमा भएको थियो । सुशील अविवाहित थिए। वन अधिकृत बोधप्रसाद जागिरका सिलसिलामा नेपालगन्ज पुगेपछि कोइराला त्यहीँ हुर्केका थिए ।
सुशील विश्वेश्वरप्रसाद कोइरालाको प्रजातान्त्रिक समाजवादी धारणाबाट प्रेरित भई उनी २०१० सालदेखि राजनीतिमा सक्रिय रहँदै आएका थिए।
भिडियो हेर्न तलको बक्समा क्लिक गर्नुहोस
|
0 comments:
Post a Comment